除了三貓媽媽外,我去了狗展呢~~~
在短短的一兩小時,我摸過無數咁多小狗及大狗~
(其實今年都摸小左! 因為個場好迫, 人多狗又多!)
而且影過無數咁多相片!
最重要的是... 我沾上無數咁多狗口水!!!

近來公司都好多活動
11月尾去了90週年活動
山長水遠去到博覽館站看show
有後生仔唱歌跳舞亦有肥c奶跳老舞...
嘉賓有達明&古巨基
不過我未等到古生出場就走左lu ~
唉, 不如早d返屋企訓下好過
等二日聽同事講話唱左3首歌
我話: 佢一定唔會唱 "重復犯錯" 啦!!!

5/12去了九龍區的晚宴
都係果d老土野啦... 成班領導人唱 "明天會更好"...
我同事說: 為何不唱 "香港始終有你" ?!

7/12唔知做乜有d錢一定要洗左佢的...
好似係保險meet到某target的fund...
每人有$4xx 所以去了尖沙咀吃自助餐~
個場好大有live paino+小提琴+唱英文歌
食物算多, 美味度就一般~
每人有一隻大閘蟹, 仲有黃京肉~
當我們聽到有黃京肉,就問waiter: 乜唔係受保護架咩??
waiter說: 我都不能正確回答你...

近來都很忙~
公司都忙於找更多Tax loan的case...
我手頭上又有好多減息、加按、轉期...
好多都第一次做，又無人有時間教我...
要自已亂咁做, 試下試下....
平時教開我野既上司就快放大假~
佢個大假真係好大架...
今個月只係返7日工~
餘下既日子就剩下我獨自面對一個勁肥既合約員工...
一個以前做經理, 因健康問題而提早退休的人~
現在佢只係會返半年...
唉~ 條友好煩架~ 都無人中意佢...
近來見我上司放假仲老點我幫佢做野...
真係激鬼死 ! 大佬呀, 個個都好忙架啦, 你估我係你秘書呀!

中學同學結婚了~
請了我做姊妹~
我自覺都不太盡責... ^_<
看到相片後.......我發現了一樣野........

為何我上鏡後塊面肥過以前???